Wulf and Eadwacer is an Old English text.

Text

Leodum is minum      swylce him mon lac gife;
willað hy hine aþecgan,      gif he on þreat cymeð.
Ungelic is us.
Wulf is on iege,      ic on oþerre.

Fæst is þæt eglond,       fenne biworpen.                 5
Sindon wælreowe       weras þær on ige;
willað hy hine aþecgan,       gif he on þreat cymeð.
Ungelice is us.
Wulfes ic mines widlastum       wenum dogode;

þonne hit wæs renig weder       ond ic reotugu sæt,      10
þonne mec se beaducafa       bogum bilegde,
wæs me wyn to þon,       wæs me hwæþre eac lað.
Wulf, min Wulf,       wena me þine
seoce gedydon,       þine seldcymas,

murnende mod,       nales meteliste.                     15
Gehyrest þu, Eadwacer?       Uncerne earne hwelp
bireð wulf to wuda.         
þæt mon eaþe tosliteð       þætte næfre gesomnad wæs,
uncer giedd geador.

See also:

• Old English
• Old English poetry

Links

• Wulf and Eadwacer, Wulf and Eadwacer in english